اسلام آباد/سرگودھا: پی ٹی آئی رہنما ملک خرم علی خان، اور ٹکٹ ہولڈر چوہدری اقبال نے بھی پی ٹی آئی چھوڑنے کا اعلان کر دیا۔
تفصیلات کے مطابق پاکستان تحریک انصاف کے ٹکٹ ہولڈر چوہدری محمد اقبال نے سرگردھا میں پریس کانفرنس کرتے ہوئے پارٹی چھوڑنے کا اعلان کر دیا ہے۔
انھوں نے کہا میں پی ٹی آئی کے تمام عہدوں اور بنیادی رکنیت سے مستعفی ہوتا ہوں، اور 9 مئی کے واقعات کی بھرپور مذمت کرتا ہوں۔
اسلام آباد میں پی ٹی آئی رہنما ملک خرم علی خان نے بھی پارٹی چھوڑنے کا اعلان کر دیا، انھوں نے کہا ’’تمام دوستوں سے مشاورت کے بعد علیحدگی کا فیصلہ کیا، ہمارے لیے سب سے اہم پاکستان اور اس کے ادارے ہیں۔‘‘
ملک خرم نے کہا ’’مجھے ٹکٹ نہیں دیا گیا لیکن پھر بھی پارٹی کا ساتھ نہیں چھوڑا تھا، 9 مئی واقعات کا افسوس ہوا ہے، جو پی ٹی آئی ہم نے جوائن کی تھی وہ یہ نہیں تھی، ہماری سیاست ٹکٹ کے لیے نہیں علاقے کی ترقی کے لیے ہوتی ہے، اس لیے علاقے کی بہتری کے لیے ہماری سیاست جاری رہے گی۔‘‘
