The news is by your side.

Advertisement

سینیٹ کے لیے ٹکٹ میرٹ پر دیں گے ، وزیراعظم

اسلام آباد : وزیراعظم عمران خان کو سینیٹر بننے کے خواہشمند افراد کی فہرست پیش کردی گئی ، عمران خان نے کہا سینیٹ کے لیے ٹکٹ میرٹ پر دیں گے ۔

تفصیلات کے مطابق وزیراعظم عمران خان کی زیرصدارت پی ٹی آئی پارلیمانی بورڈ کا اجلاس ہوا، اجلاس میں سینیٹ امیدواروں کے ناموں پر غور کیا گیا اور وزیراعظم کو سینیٹر بننے کے خواہشمند افراد کی فہرست پیش کی گئی۔

وزیراعظم نے پی ٹی آئی پارلیمانی بورڈکے اجلاس میں اظہار خیال کرتے ہوئے کہا  کہ سینیٹ کے لیے ٹکٹ میرٹ پر دیں گے،چاہتے ہیں سینیٹ انتخابات میں پیسہ نہ چلے، جو ایوان میں پارٹی کے لیے بہتر ہوگا اسے سینیٹر بنائیں گے۔

عمران خان کا کہنا تھا کہ تحریک انصاف حالیہ الیکشن کےبعدایوان بالا میں بھی بڑی جماعت ہوگی۔

یاد رہے وزیر اعظم عمران خان سے مسلم لیگ ق کی قیادت نے ملاقات کی تھی ، جس میں چوہدری پرویزالٰہی، طارق بشیر چیمہ اور مونس الٰہی شریک ہوئے، وزیراعظم نے اتحادی امیدوار کامل علی آغا کو ٹکٹ دینےکی منظوری دی تھی۔

حکومت نے سینیٹ انتخابات کیلئےکمیٹی بھی تشکیل دی ہے، کمیٹی میں پرویزالٰہی، عثمان بزدار اور گورنرچوہدری محمدسرور شامل ہیں۔

Comments

یہ بھی پڑھیں