مختصر دورانیے کی ویڈیوز کے ممتاز پلاٹ فارم ٹک ٹاک پر اب 15 منٹ کی طویل ویڈیو شیئرنگ فیچر متعارف کرادیا گیا ہے۔
رپورٹ کے مطابق ویڈیوز کے مختصر دورانیے سے دنیا بھر میں مقبولیت حاصل کرنے والی ایپ ٹک ٹاک میں اب ویڈیوز کے دورانیے میں 15 منٹ کا نمایاں اضافہ کیا جا رہا ہے۔
رپورٹ کے مطابق ایک طرف جب دیگر کمپنیاں مختصر ویڈیوز پر زیادہ توجہ مرکوز کر رہی ہیں، وہیں دوسری جانب ٹک ٹاک اب زیادہ طویل دورانیے کی ویڈیوز کو اپنے پلیٹ فارم کا حصہ بنانے کے لیے تیار ہے۔
کمپنی کی جانب سے تصدیق کی گئی ہے کہ 15 منٹ دورانیے کی ویڈیوز اپ لوڈ کرنے کے فیچر کی آزمائش کی جا رہی ہے۔
خیال رہے کہ ابھی ٹک ٹاک پر 10 منٹ طویل ویڈیو پوسٹ کی جا سکتی ہے۔
Comments
- Advertisement -