The news is by your side.

Advertisement

ٹک ٹاک پر دلچسپ اور خطرناک ویڈیوز، لینے کے دینے پڑگئے

مختصر دورانیے کی ویڈیوز کی ایپ ٹک ٹاک پر ویڈیوز بنانے والے فنکار اپنی ویڈیو میں انفرادیت کیلئے نت نئے انداز اپناتے ہیں جن میں سے اکثر نہ صرف دلچسپ ہوتے ہیں بلکہ بہت خطرناک بھی۔

یہ کہنا غلط نہ ہوگا کہ نوجوانوں میں مقبول اس سوشل میڈیا ایپ نے پاکستان سمیت دنیا بھر میں تہلکہ مچا دیا ہے۔ ویڈیو شوٹ کے دوران اکثر فنکاروں کو لینے کے دینے بھی پڑجاتے ہیں۔

ویڈیو کو وائرل بنانے کیلئے ٹک ٹاکرز اپنی جان کی بھی پرواہ نہیں کرتے ان ہی حرکات کی وجہ سے اکثر ناخوشگوار واقعات بھی پیش آتے ہیں۔

ٹک ٹاک پر کچھ فنکاروں نے کچھ اسی طرح کی دلچسپ ویڈیوز بھی جاری کی ہیں جن میں انہیں ناکام ہوتے ہوئے دکھایا گیا ہے یا وہ کسی دردناک اور تکلیف دہ حادثے کا شکار ہوئے ہیں۔

ویڈیو شیئرنگ ایپ ٹک ٹاک پر شیئر کی گئی ان ویڈیوز کو دیکھ کر محسوس ہوتا ہے کہ کوئی جانی نقصان تو نہیں ہوا ہوگا لیکن شاید ان صارفین کو ویڈیوز بناتے ہوئے تکالیف بہت زیادہ ہوئی ہوں گی جس کا اندازہ آپ خود لگا سکتے ہیں۔

اسی طرح کی ایک ویڈیو میں دکھایا گیا ہے کہ ایک شخص کک مارتے ہوئے عدم توازن کا شکار ہوا اور خود ہی گر پڑا، جبکہ دوسری ویڈیو میں ایک فنکار اپنی فنکاری دکھاتے ہوئے ڈسٹ بن میں جاگرا۔

ایک ٹک ٹاکر اپنی باؤلنگ کی مہارت دکھاتے ہوئے اتنا پر اعتماد ہوگیا کہ اسے ہوش ہی نہ رہا کہ گیند کس زاویے سے پھینکنی ہے اور گیند ہاتھ سے چھوٹ کر چھت پر جاکگتی ہے جس سے پورے ہال کی چھت ہی ٹوٹ کر گر پڑتی ہے۔

ایک اور ویڈیو میں ایک نوجوان بیس بال کا شاٹ لگاتے ہوئے اس نداز سے شارٹ مارتا ہے کہ خود کو زخمی کر بیٹھتا ہے اور دیکھنے والے ہنسی سے لوٹ پوٹ ہوجاتے ہیں۔

Comments

یہ بھی پڑھیں