کراچی : سندھ پولیس کیخلاف نازیبا ویڈیو بنانے والے ٹک ٹاکر نے معافی مانگ لی اور کہا مجھے ویڈیو نہیں بنانی چاہیے تھے مجھ سے بہت بڑی غلطی ہوگئی۔

تفصیلات کے مطابق سندھ پولیس کیخلاف نازیبا ویڈیو بنانے والے ٹک ٹاکر نے معافی مانگتے ہوئے ویڈیو بیان میں کہا کہ میرانام شاہنواز ہے رحیم یار خان کا ہوں اور منظور کالونی میں رہائشی ہے۔

شاہنواز نے کہا کہ کل 3 بجے ڈیفنس تھانےکےساتھ ایک ٹک ٹاک ویڈیووائرل ہوئی تھی، مجھے ویڈیو نہیں بنانی چاہیے تھی مجھ سےبہت بڑی غلطی ہوگئی۔

ٹک ٹاکر کا کہنا تھا کہ میں  پولیس کے افسران وملازمین سے معافی مانگتا ہوں، مجھے بہت شرمندگی ہے،خدا راہ مجھے معاف کردیں۔

اپنے بیان میں شاہنواز نے اس قسم کے رویے کو کبھی نہ دہرانے کے عزم کا اظہار کرتے ہوئے کہا  میرے باپ کی توبہ ہے آئندہ ایسی ویڈیونہیں بناؤں گا، دوسروں کو بھی منع کروں گا کہ ایسی ویڈیوز نہ بنائیں۔

آخر میں ٹک ٹاکر نے سندھ پولیس زندہ باد اور پاکستان پائندہ باد کا نعرہ بھی لگایا۔