15.9 C
Ashburn
ہفتہ, مئی 18, 2024
اشتہار

عورت مارچ کے شرکا کو سیکیورٹی دینے کا فیصلہ

اشتہار

حیرت انگیز

لاہور: پنجاب حکومت نے عورت مارچ کے شرکا کو سیکیورٹی دینے کا فیصلہ کیا ہے۔

تفصیلات کے مطابق نگران وزیر اطلاعات پنجاب نے ایک بیان میں کہا ہے کہ صوبے میں عورت مارچ کے شرکا کو پولیس سیکیورٹی فراہم کی جائے گی۔

صوبائی وزیر عامر میر نے کہا کہ عورت مارچ میں شریک خواتین کا تحفظ یقینی بنایا جائے گا، اور حکومت کی جانب سے مارچ میں کوئی رکاوٹ نہیں ڈالی جائے گی۔

- Advertisement -

نگراں صوبائی وزیر کا کہنا تھا کہ نگراں حکومت شخصی آزادیوں پر یقین رکھتی ہے، ہم نے عورت مارچ کے منتظمین کے تحفظات دور کر دیے ہیں۔

واضح رہے کہ گزشتہ روز ڈپٹی کمشنر رافعہ حیدر نے سیکیورٹی خدشات، خواتین کے حقوق کی حمایت کرنے والے ’متنازعہ‘ کارڈز اور بینرز اور جماعت اسلامی کے ’حیا مارچ‘ کے ارکان کے ساتھ تصادم کے امکانات کی بنیاد پر عورت مارچ کے انعقاد کی اجازت مسترد کر دی تھی۔

عورت مارچ کی آرگنائزنگ کمیٹی نے ضلعی انتظامیہ سے 8 مارچ کو ناصر باغ لاہور میں ایک ریلی نکالنے اور بعد ازاں پارک کے گرد مارچ کے لیے این او سی کی درخواست کی تھی، تاہم، ڈی سی حیدر نے سیکیورٹی اداروں کی جانب سے تھریٹ الرٹس کے تناظر میں درخواست مسترد کر دی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں