ٹوبہ ٹیک سنگھ: پنجاب میں گھریلو ملازمہ پر تشدد کا ایک اور شرمناک واقعہ رونما ہوا ہے، گلدان ٹوٹنے پر ٹوبہ ٹیک سنگھ میں مالک نے گھریلو ملازمہ کے سر کے بال مونڈ دیے۔
تفصیلات کے مطابق گلدان توڑنے پر ٹوبہ ٹیک سنگھ کے علاقے محلہ نیو گارڈن ٹاؤن میں گھریلو ملازمہ پر تشدد کا واقعہ سامنے آیا ہے، گھر کے مالک نے ملازمہ کے سر کے بال مونڈ دیے، پولیس نے مقدمہ درج کر کے ملزم کو گرفتار کر لیا۔
متاثرہ لڑکی کے والد محمد وحید نے بتایا کہ ان کی بیٹی ثمینہ گارڈن ٹاؤن میں محمد افضل کے گھر میں کام کاج کرتی تھی، محمد افضل نے اہلیہ کے ساتھ مل کر بیٹی کو تشدد کا نشانہ بنایا۔
- Advertisement -
گھریلو ملازمہ تشدد کیس : سول جج کی اہلیہ کو ضمانت مل گئی
ڈی پی او نے واقعے کا نوٹس لے لیا، اور بچی کا فوری طبی معائنہ کرانے اور قانونی کارروائی مکمل کرنے کی ہدایت جاری کر دی۔
