ملک میں سونے کی قیمت میں کمی کا رجحان رہا جبکہ انٹر بینک میں ڈالر مزید مہنگا ہوگیا۔
سندھ صرافہ بازار جیولرز ایسوسی ایشن کے مطابق ملک میں سونے کی فی تولہ قیمت 300 روپے کم ہوئی جس کے بعد فی تولہ سونا ایک لاکھ 32 ہزار 400 روپے کا ہوگیا۔
اسی طرح 10 گرام سونے کی قیمت 257 روپے کم ہوکر ایک لاکھ 13 ہزار 512 روپے ہوگئی۔
عالمی مارکیٹ میں سونے کی قدر 1933 ڈالر فی اونس پر برقرار رہی۔
واضح رہے کہ گزشتہ روز بھی سونے کی قیمت میں 800 روپے کمی ہوئی تھی جس کے بعد فی تولہ سونے کی قیمت ایک لاکھ 32 ہزار 700 روپے ہوگئی تھی۔
ڈالر کی قدر میں اضافہ
ملک میں پاکستانی روپے کے مقابلے میں امریکی ڈالر مزید مہنگا ہوگیا، انٹر بینک میں ڈالر 5 پیسے مہنگا ہوکر 186.75 پیسے کا ہوگیا۔
Interbank closing #ExchangeRate for todayhttps://t.co/RTxtLwf3G5 pic.twitter.com/8VR6qNVGkE
— SBP (@StateBank_Pak) April 23, 2022
