ٹوکیو: جاپان کے ہنیڈا ائیرپورٹ پر دو مسافر طیارے آپس میں ٹکرا گئے جس کے بعد رن وے کو بند کردیا گیا۔
غیرملکی میڈیا کے مطابق ٹوکیو کے ہنیڈا ائیرپورٹ کے ایک رن وے پر اڑان کے لیے تیار ایک طیارے کے پر سے دوسرا طیارہ ٹکرا گیا، طیارہ ٹکرانے کے بعد زمین پر ملبہ بھی دیکھا گیا۔
حکام کا کہنا ہے کہ طیارے میں موجود مسافروں کو ٹکراؤ کے باعث جھٹکے لگے تاہم کوئی زخمی یا جانی نقصان نہیں ہوا۔
- Advertisement -
رپورٹ کے مطابق طیارے ٹکرانے کے بعد ائیرپورٹ کو پروازوں کے لیے بند کردیا گیاجبکہ کسی بھی ہنگامی صورتحال سے نمٹنے کے لیے رن وے پر فائر بریگیڈ اور ہنگامی سروس کی گاڑیاں پہنچ گئیں۔
حکام کا کہنا ہے کہ مسافروں کو طیاروں سے نکال کر لاؤنچ میں پہنچا دیا گیا، واقعہ کی مزید تحقیقات جاری ہیں۔
