لوگوں کی اکثریت دانتوں کے مسائل اور سے ہونے والی بیماریوں کو اتنی اہمیت نہیں دیتے حتیٰ کہ دانتوں میں پیدا ہونے والی بیماریاں دیگر کئی خطرات کا سبب بنتی ہیں۔
دانتوں کی صحت سے متعلق لاپرواہی کا معاملہ صرف پاکستان جیسے ممالک تک محدود نہیں بلکہ دنیا کے تمام ممالک میں لاپرواہ لوگوں کمی نہیں، امریکی و یورپی لوگ بھی اس سلسلے میں سستی کا مظاہرہ کرتے ہیں۔
اے آر وائی نیوز کے پروگرام باخبر سویرا میں معروف ڈینٹسٹ ڈاکٹر علی حسین نے دانتوں کی حفاطت اور ان کے علاج سے متعلق ناظرین کو آگاہ کیا۔
انہوں نے بتایا کہ دانتوں کی خرابی کی سب سے اہم وجہ ان کی صفائی نہ رکھنا ہے، اور اسی بنیاد پر ہمیں بہت سی بیماریوں کا سامنا کرنا پڑتا ہے کیونکہ دانتوں پر جما میل اور گندگی کھانے کے ساتھ ہمارے جسم میں داخل ہوجاتی ہے جو مختلف امراض کا باعث بنتی ہے جن میں امراض قلب، ذیابیطس اور نمونیا بھی شامل ہے۔
ڈینٹسٹ ڈاکٹر علی حسین کے مطابق ہر شخص کو سالانہ کم سے کم 2 بار اپنے دانتوں کا معائنہ ضرور کرانا چاہیے، تاہم اگر کوئی یہ بھی نہیں کرتا تو وہ اپنے دانتوں میں تھوڑا بھی مسئلہ ہونے کے بعد اپنے ڈینٹسٹ سے لازمی رجوع کرے۔
