پاکستان کے خلاف وائٹ بال سیریز کے لیے نیوزی لینڈ کے مستقل کپتان کین ولیمسن سمیت کئی اہم کھلاڑی پاکستان کا دورہ نہیں کریں گے۔
رپورٹ کے مطابق 5 ٹی ٹوئنٹی اور ون ڈے سیریز کراچی کے بجائے لاہور سے شروع ہو گی ابتدائی 3 ٹی ٹوئنٹی لاہور میں، 2 ٹی توئنٹی اور ایک ون ڈے میچ پنڈی میں ہوں گے۔
اس کے علاوہ آخری4 ون ڈے کراچی میں ہوں گے، واضح رہے کہ سیریز 14 اپریل سے7 مئی تک ہو گی۔
پنجاب میں ممکنہ الیکشن کا معاملہ، پاک نیوزی لینڈ سیریز میں تبدیلی
- Advertisement -
سیریز کے لیے نیوزی لینڈ کے کئی اہم پلیئرز بھارتی لیگ کا حصہ ہونے کی وجہ سے پاکستان نہیں آئیں گے جن میں کین ولیمسن، ٹم ساؤتھی، ڈیون کانوے، مچل سنٹنر شامل ہیں۔
نیوزی لینڈ بورڈ نے بھارتی لیگ کو قومی ذمہ داریوں پر ترجیح دیتے ہوئے ان کھلاڑیوں کو دورہ پاکستان کے اسکواڈ سے ریلیز کر دیا ہے۔
