اسلام آباد: ڈسٹرکٹ اینڈ سیشن کورٹ اسلام آباد میں پاکستان تحریک انصاف (پی ٹی آئی) کے چیئرمین کے خلاف توشہ خانہ کیس کی سماعت ہوئی۔
چیئرمین پی ٹی آئی کی جانب سے حاضری سے استثنیٰ کی درخواست ایک بار پھر دائر کی گئی، پی ٹی آئی کے وکیل گوہر علی خان نے آج سماعت یہ کہہ کر ملتوی کرنے کی درخواست دائر کی کہ چیئرمین پی ٹی آئی کو ضلعی کچہری میں خطرات ہیں۔
بیرسٹر گوہر علی خان نے کہا کہ 5 جولائی کی شام کو اس عدالت کو اسلام آباد ہائیکورٹ کا آرڈر موصول ہوا، اسلام آبادہائیکورٹ نے کہا اس کیس کا 7 دن میں فیصلہ کریں، ہائیکورٹ نے روزانہ کی بنیاد پر کیس کی سماعت کا نہیں کہا، 12 تاریخ کو اسلام آباد ہائیکورٹ کا دیاگیا وقت مکمل ہوگا۔
بیرسٹرگوہر نے کہا کہ ہم نے 10 تاریخ کو سماعت کا کہا تھا، خواجہ حارث کی مصروفیت کے باعث 10 تاریخ کو سماعت کا کہا، جس پر عدالت سے برہمی کا اظہار کیا اور کہا کہ آپ کا ماضی کا ریکارڈ ٹھیک نہیں ہے۔
عدالت نے کہا کہ کوئی ایک تاریخ بتائیں جب ملزم عدالت میں پیش ہوئے ہوں، توشہ خانہ کیس میں کب ملزم عدالت میں پیش ہوئے؟ اگر حکومت کوئی اور جگہ کیس کی سماعت کا نوٹیفکیشن نہیں کرتی تو کیا یہ کیس چلتا رہےگا۔
عدالت نے کہا کہ ساڑھے 11 بجے توشہ خانہ کیس میں دلائل دیں، ورنہ کیس کو سن کر اس کا فیصلہ کر دیں گے،
عدالے نے توشہ خانہ کیس کی سماعت میں ساڑھے 11 بجے تک ملتوی کردی۔
