The news is by your side.

کراچی میں گاڑی پر فائرنگ سے تاجر قتل

کراچی میں نامعلوم مسلح افراد نے گاڑی پر فائرنگ کر کے تاجر کو قتل کر دیا۔

پولیس کے مطابق فائرنگ کا واقعہ لیاقت آباد 10 نمبر میں پیش آیا، مقتول کی شناخت 40 سالہ عمران ہارون کے نام سے ہوئی ہے جو کپڑے کا تاجر تھا، مقتول کو سر پر گولی ماری گئی۔

پولیس کا کہنا ہے کہ واقعہ بظاہر ٹارگٹ کلنگ کا لگتا ہے، شہری کو ایک گولی ماری گئی، مقتول سے کسی قسم کی چھینا چھپٹی نہیں کی گئی، وقوعہ سے نائن ایم ایم گولی کا خول ملا ہے، مقتول شہری کی بولٹن مارکیٹ میں کپڑے کی دکان ہے۔

پولیس حکام کا کہنا ہے کہ مقتول ناظم آباد میں اپنے گھر کی جانب جا رہا تھا، فائرنگ کرنے والوں نے گاڑی روکی نہ ہی کچھ طلب کیا، موٹر سائیکل سواروں نے گاڑی پر ایک فائر کیا اور فرار ہوگئے، لواحقین سے معلومات حاصل کرنے کی کوشش کر رہے ہیں۔

Comments

یہ بھی پڑھیں