اسلام آباد : بجلی بلوں میں 3000 روپے سیلز ٹیکس پرتاجروں نےسرپکڑ لیے ، بجلی کے 4 یونٹ کے استعمال پر بل3427 روپے آگیا۔
تفصیلات کے مطابق نئے مالی سا ل کے بجٹ میں حکومت تاجروں کیساتھ ہاتھ کرگئی، تاجر نےایک یونٹ بھی بجلی خرچ نہ کی اور بل 6841 روپے آگیا۔
بجلی بلوں میں 3000 روپے سیلز ٹیکس پرتاجروں نےسرپکڑ لیے ، تاجروں کو بجلی کا فی یونٹ 700 سے 7000 روپے تک پڑنے لگا۔
جس کے باعث تاجر پریشان ہے اور دہائی دے رہے ہیں کہ بجلی کے 4 یونٹ کے استعمال پر بل3427 روپے آیا، بجلی کے 5 یونٹ کا بل 3545 روپے آگیا۔
تاجروں نے اے آر وائی نیوز کو بجلی کے بلز بھیج کر شکایات کےانبار لگادیئے، حکومت نے تاجروں کے گوداموں کے بجلی بلوں پربھی سیلز ٹیکس لگادیا۔
تاجروں کا کہنا ہے کہ گودام اسٹاک کیلئےہے، سیل کیلئے نہیں تو ٹیکس کہاں سے دیں، حکومت کہتی ہے ہر بل پر 6000 روپےسیلز ٹیکس دیں گے تو کاروبارکریں۔