کولکتہ کی خاتوں نے روایتی بریانی کے ساتھ بالکل نیا تجربہ کرتے ہوئے اسے کچھ اور ہی شکل دے ڈالی، جس کی ویڈیو سوشل میڈیا پر وائرل ہوگئی۔
کولکتہ میں اسٹریٹ فوڈ بیچنے والی خاتوں نے ’بریانی مومو‘ کے نام سے مشہور پکوان کو نئے طریقے کے ساتھ مارکیٹ میں پیش کیا ہے۔ ’بریانی مومو‘ کی ویڈیو کو فوڈ بلاگر کی جانب سے سوشل میڈیا پر پوسٹ کیا گیا ہے۔
خاتون کی جانب سے چکن بریانی بنانے کے بعد اسے ’مومو‘ میں بھردیا گیا ہے، جس طرح سموسے میں آلو بھرے جاتے ہیں، اسی طرح مومو کے چھوٹے چھوٹے پیسز کے اندر بریانی موجود ہے۔
وی لاگر کے مطابق اس ویڈیو کو شیئر کرنے کا مقصد ایک منفرد فیوژن ڈش سے لوگوں کو متعارف کرانا ہے تاکہ کھانے کے شوقین لوگ اس نئی ڈش سے بھی لطف اندوز ہوسکیں۔
مذکورہ ویڈیو میں فوڈ بلاگر کو بریانی مومو کاٹتے ہوئے اور اس کی تعریف کرتے ہوئے دیکھا جاسکتا ہے۔
کولکتہ کے رہائشی فوڈ بلاگر نے اپنے ویڈیو کے کیپشن میں سوال کیا کہ ’کولکتہ میں بریانی مومو کھانے کا نیا تجربہ! جی ہاں، آپ نے صحیح سنا!‘ کیا آپ اسے کھانے میں دلچسپی رکھتے ہیں؟‘
روایتی بریانی کو اس حیران کن طریقے سے مومو کے ساتھ مکس کرنے پر صارفین کی جانب گے خاتون وینڈر کو تنقید کا بھی نشانہ بنایا گیا۔
کچھ صارفین اس پر جذباتی ہوگئے اور انھوں نے کہا کہ بریانی جیسی لذیذ چیز کو اس طرح بنانا کسی صورت اس کھانے کے شایان شان نہیں ہے۔
