اسلام آباد : وفاقی دارلحکومت میں یوم پاکستان پریڈ اور فل ریہرسل ڈے کیلئے ٹریفک پلان جاری کردیا، پریڈ کے دوران فیض آباد تمام قسم کی چھوٹی اور بڑی ٹریفک کے لیے بند رہے گا۔
تفصیلات کے مطابق اسلام آباد ٹریفک پولیس نے یوم پاکستان پریڈ اور فل ریہرسل ڈے کیلئے ٹریفک پلان جاری کردیا، ہیوی ٹریفک کی اسلام آباد انٹری سترہ، انیس، اکیس اورتئیس مارچ کو رات بارہ سے دن دو بجے تک بند رہے گی۔
ترجمان ٹریفک پولیس نے بتایا کہ لاہورسے آنے والی گاڑیاں پنڈی صدر روڈ سے پشاورجی ٹی روڈ اورموٹر وے پرجاسکیں گی۔
ترجمان کا کہنا تھا کہ کرال چوک اورپنڈی سے آنے والی گاڑیاں کھنہ پل، پارک روڈ سے ہوتی ہوئی اسلام آباد میں داخل ہوں گی، چھوٹی گاڑیاں کشمیر چوک سے مڑتے ہوئے بہارہ کہو اور مری بھی جا سکتی ہیں۔
پریڈ کے دوران فیض آباد تمام قسم کی چھوٹی اور بڑی ٹریفک کے لیے بند رہے گا۔