The news is by your side.

Advertisement

یوم علیؓ: جلوس کا روٹ اور ٹریفک پلان جاری

کراچی: صوبہ سندھ کے دارالحکومت کراچی میں یوم علی رضی اللہ تعالیٰ عنہ کے موقع پر جلوس کا روٹ اور ٹریفک پلان جاری کردیا گیا۔

تفصیلات کے مطابق یوم علیؓ کے موقع پر کراچی ٹریفک پولیس نے ماتمی جلوس کا روٹ پلان جاری کردیا، جلوس دن ایک بجے نشتر پارک سے برآمد ہو کر رات 8 بجے حسینیہ ایرانیاں پر اختتام پذیر ہوگا۔

جلوس کا روٹ نشتر پارک سے ایم اے جناح روڈ، ایمپریس مارکیٹ سے ریگل چوک ہوگا، جلوس پریڈی اسٹریٹ سے دوبارہ ایم اے جناح روڈ اور کھارادر پہنچے گا۔

نواب محبت خان جی روڈ سے حسینیہ ایرانیاں امام بارگاہ کھارادر پر اختتام پذیر ہوگا۔

ٹریفک پولیس کا کہنا ہے کہ جلوس نشتر پارک سے روانہ ہوتے ہی ٹریفک پلان پر عمل شروع کر دیا جائے گا، کسی بھی گاڑی کو جلوس کے راستوں پر پارکنگ کی اجازت نہیں ہوگی۔

جلوس کی طرف آنے والے ٹریفک کو متبادل راستوں کی جانب موڑا جائے گا۔

Comments

یہ بھی پڑھیں