بھارتی کسانوں کی جانب سے دہلی چلو مارچ کی احتجاجی کال پر بھارتی پولیس کا بھونڈا ٹریفک پلان شہریوں کے لیے درد سر بن گیا۔
تفصیلات کے مطابق کسانوں کی جانب سے دہلی چلو مارچ کےاعلان کے بعد مودی سرکاربوکھلاہٹ کاشکارہوگئی، ٹائمزناؤ نے بتایا کہ دہلی چلو مارچ کی احتجاجی کال پر بھارتی پولیس نے کسانوں کی نقل و حمل روکنے کیلئے بھونڈا ٹریفک پلان تیار کیا۔
بھارتی پولیس کی جانب سےمرتب شدہ ٹریفک پلان شہریوں کیلئےدرد سر بن گیا ، سیکیورٹی کےنام پربھارتی پولیس نے شہریوں کا گھروں سے نکلنا محال کر دیا ہے۔
بھارتی اخبار کا کہنا تھا کہ ٹریفک کی بے جا بندش کے باعث گروگرام سرحد کے قریب گاڑیوں کی طویل قطاریں لگ گئیں ، انتظار کی اذیت میں مبتلا شہری کئی گھنٹوں سےٹریفک میں محصورہوکررہ گئے۔
بھارتی حکام کی جانب سے سنگھو،غازی پوراورشمبھو سرحدوں پر بھی ٹریفک کی پابندیاں نافذ کی گئی ہیں جبکہ بھارتی پولیس کی جانب سےدہلی میں کسانوں کے احتجاج کے پیش نظرپہلے ہی دفعہ 144 نافذ ہے۔
