لاہور : گاڑی مالکان کیخلاف گھیرا تنگ کردیا گیا، پہلے مرحلہ میں مالکان کونوٹسسزجاری کئے جائیں گے۔
تفصیلات کے مطابق ٹریفک پولیس نے 100 سے زائد ای چالان نادہندہ گاڑیوں کیخلاف ایکشن کا فیصلہ کرلیا۔
ٹریفک قوانین خلاف ورزیوں پر ای چالان نادہندگان مالکان اورگاڑیوں کیخلاف گھیرا تنگ کردیا گیا، پہلے مرحلہ میں 100 سے زائد ای چالان گاڑی مالکان کونوٹسسزجاری کئے جائیں گے۔
گزشتہ روزاے ایچ الیکٹرنکس کو نوٹس جاری کئے گئے، اے ایچ الیکٹرانکس کی رجسٹرڈمتعددگاڑیوں نے1319بارای چالان کیخلاف ورزیاں کیں۔
ترجمان نے خبردار کیا اب شہریوں کو ٹریفک قوانین کی خلاف ورزی سوچ سمجھ کر کرنا ہوگی،، ای چالان نادہندہ گاڑی مالکان پولیس سروسز حاصل نہیں کرسکیں گے۔
ای چالان نادہندہ ہونے کی صورت میں ڈرائیونگ لائسنس، کریکٹر سرٹیفکیٹ،ویری فیکشن و دیگر 14سہولیات میسر نہ ہوگی سیف سٹی پنجاب اور پولیس خدمت مراکز، ڈرائیونگ لائسنس ایشوینس مینجمنٹ سسٹم کو انٹیگریڈ کردیا گیا ہے۔
منظم ٹریفک کیلئے شہریوں کو ٹریفک قوانین کا احترام کرنا ہوگا، کیمروں کی مدد سے ٹریفک لوڈ مینجمنٹ، مانیٹرنگ اور سرویلنس کو یقینی بنایا جارہاہے اور بہترین ٹریفک مینجمنٹ کیلئے سیف سٹی سے زیادہ سے زیادہ استفادہ حاصل کیا جارہا ہے۔
