بغداد : عراق میں باراتیوں کےلیے کھانا تیار کرنے والا باورچی گرم سوپ کے پتیلے میں گر کر ہلاک ہوگیا۔
عروسی کی تقریب کے دوران کھانا پکانے والے شخص کی ہلاکت کا افسوس ناک واقعہ خلیجی ریاست عراق کے دوہک گورنریٹ کے ضلع زاخو میں پیش آیا، جہاں ایک شادی ہال کے باورچی خانے میں کھانا پکانے والا کھولتے ہوئے سوپ کے پتیلے میں جاگرا۔
گرم سوپ میں گرنے کے باعث تین بچوں کے باپ 25 سالہ اسماعیل کا جسم بری طرح جھلس گیا، جسے مقامی افراد نے فوری طور پر قریبی اسپتال منتقل کیا تاہم وہ زخموں کی تاب نہ لاسکا اور پانچ دن اسپتال میں زیر علاج رہنے کے بعد ہلاک ہوگیا۔
واقعے کے عینی شاہدین کا کہنا ہے کہ ہلاک ہونے والے باورچی اسماعیل کا پہلے پیر پھسلا جس کی وجہ سے وہ پتیلے میں گرا اور پھر پتیلے سمیت زمین پر گر گیا۔
باورچی کے رشتے دار کا کہنا ہے کہ اسماعیل آٹھ سال سے بطور سے باورچی کام کررہا تھا، جو شادی بیاہ سمیت کئی تقریبات کےلیے کھانا تیار کرتا تھا۔
