کراچی : شہر قائد میں شہریوں کے ہیوی گاڑیوں کا نشانہ بن کر جان سے ہاتھ دھو بیٹھنے کے واقعات تسلسل سے جاری ہیں، ایک بار پھر خونی ٹریلر کی ٹکر سے مزید دو نوجوان لقمہ اجل بن گئے۔
اے آر وائی نیوز کی رپورٹ کے مطابق کراچی کے علاقے بولٹن مارکیٹ کے قریب ٹریلر کی ٹکر سے 2افراد جاں بحق ہوگئے۔
اس حوالے سے پولیس حکام کا کہنا ہے کہ حادثے کے بعد مشتعل افراد کی جانب سے ٹریلر ڈرائیور پر تشدد کی کوشش کی گئی جس پر قابو لیا گیا۔
پولیس کے مطابق حادثے میں جاں بحق ہونے والے افراد کی شناخت زید اور نور کے نام سے ہوئی ہے، متوفیان کے لواحقین نے پولیس کو بتایا کہ دونوں نوجوان لیاری عثمان آباد کے رہائشی اور آپس میں گہرے دوست تھے۔
پولیس اہلکاروں نے ٹرالر ڈرائیور کو حراست میں لے کر ٹریلر کو بھی تحویل میں لے لیا اور تھانے منتقل کردیا، ملزم کیخلاف مزید قانونی کارروائی کی جارہی ہے۔
مزید پڑھیں : ٹریلر کی ٹکر سے شہریوں کی ہلاکت کے دیگر واقعات
یاد رہے کہ گزشتہ دنوں نارتھ کراچی کے واقعے کے بعد 11 ہیوی گاڑیاں اور واٹر ٹینکر جلا دیے گئے تھے، اس کے بعد بھی کورنگی ویٹا چورنگی پر ٹریلر کی ٹکر سے عدنان نامی شہری جاں بحق ہوا،مرحوم عدنان نجی کمپنی میں سیکیورٹی سپروائزر تھا
پولیس نے ڈرائیور کو گرفتار کر لیا تھاؤ حادثے کے بعد شہریوں نے ٹریلر کے شیشے توڑ ڈالے، معلوم ہوا ہے کہ مرحوم عدنان نجی کمپنی میں سیکیورٹی سپروائزر تھا۔
دوسرے واقعہ مانسہرہ کالونی لانڈھی میں پیش آیا، جس میں ایک ٹریلر کی ٹکر کے نتیجے میں موٹر سائیکل سوار 25 سالہ مسعود خان جاں بحق ہو گیا، پولیس نے اس واقعے میں بھی ٹریلر ڈرائیور کو گرفتار کرلیا۔
