سعودی عرب میں وزارت حج وعمرہ کی جانب سے وضاحت کی گئی ہے کہ کسی بھی ویزے پر مملکت آنے والے عمرہ ادا کر سکتے ہیں۔
سعودی خبر رساں ادارے عاجل کے مطابق ٹرانزٹ ویزے یا کسی بھی ویزے پر مملکت آنے والے ’نسک‘ ایپ انسٹال کر کے عمرہ پرمٹ حاصل کرسکتے ہیں۔
رپورٹ کے مطابق ایکس اکاونٹ پروزارت حج و عمرہ کی جانب سے عمرہ زائرین سے متعلق وضاحت کی گئی ہے کہ بیرون ملک سے وزٹ، ورک، سیاحت، ٹرانزٹ ویزے پر آنے والے باسانی عمرے کی سعادت حاصل کرسکتے ہیں۔
وزارت کی جانب سے مزید کہا گیا کہ آنے والوں کو چاہیے کہ وہ عمرہ پرمٹ حاصل کرنے کیلیے ’نسک‘ ایپ پر اکاونٹ بنا کراس میں خود کو رجسٹرکریں تاکہ عمرہ پرمٹ حاصل کرسکیں۔
وزارت حج وعمرہ کے مطابق عمرہ پرمٹ پر درج شدہ وقت اور تاریخ پرپوری طری سے عمل کریں، مقررہ وقت پر مسجد الحرام میں پہنچ جائیں۔
ایران سے 9 سال بعد عازمین عمرہ ادائیگی کیلیے سعودی عرب روانہ
واضح رہے عمرہ پرمٹ کا اصل مقصد عوام کے رش کو کنٹرول کرنا ہے، تاکہ آنے والے عمرہ زائرین کو کسی قسم کی مشکلات نہ اُٹھانی پڑیں اور وہ با آسانی عمرے کی ادائیگی کرسکیں۔
