کراچی: ٹرانسپورٹ ایسوسی ایشن نے پٹرولیم مصنوعات کی قیمتوں میں اضافے کو مسترد کرتے ہوئے حکومت سے قیمتیں واپس لینے کا مطالبہ کر دیا۔
تفصیلات کے مطابق پٹرول کی قیمتوں میں اضافے پر ٹرانسپورٹ ایسوسی ایشن کا اجلاس ہوا، جس میں حکومت سے پٹرولیم مصنوعات کی قیمتیں واپس لینے کا مطالبہ کر دیا۔
ملک شہزاد اعوان نے کہا کہ پٹرولیم مصنوعات کی قیمتوں میں اضافے کو مسترد کرتے ہیں، عالمی منڈی میں پٹرولیم مصنوعات کی قیمتوں میں کمی ہورہی اور یہاں اضافہ۔
ان کا مزید کہنا تھا کہ 10 فیصدکرائے بڑھا رہے ، جس کا اثر عام آدمی پر پڑتا ہے اور ذمہ دار حکومت ہے۔
یاد رہے گذشتہ روز حکومت نے رات کے اندھیرے میں خاموشی سے پیٹرولیم مصنوعات قیمتوں میں اضافہ کردیا تھا۔
نوٹیفیکیشن کے مطابق پٹرول کی قیمت پانچ روپے بڑھا دی گئی تھی ، جس کے بعد نئی قیمت دوسو باہتر روپے لٹر ہوگئی۔
ڈیزل کی قیمت میں تیرہ روپے اضافہ کیا گیا، جس سے ڈیزل دوسو ترانوے روپے لٹر ہوگئی جبکہ مٹی تیل بھی دو روپےچھپن پیسے مہنگا کرکےایک سونوے روپے انیتس پیسے فی لیٹر کردیا گیا
