منگل, جون 18, 2024
اشتہار

درخت گرنے سے شوہر کی موت، بیوی کی حالت تشویشناک

اشتہار

حیرت انگیز

بھارت کے شہر حیدرآباد میں پیش آنے والے افسوسناک واقعے میں شوہر زندگی کی بازی ہار گیا جبکہ بیوی شدید زخمی ہوگئی۔

بھارتی میڈیا رپورٹس کے مطابق اسپتال کے احاطے میں لگا درخت جوڑے پر گر گیا، جس کے نتیجے میں شوہر موقع پر ہی زندگی کی بازی ہار گیا جبکہ بیوی شدید زخمی ہوگئی۔

حادثے میں ہلاک ہونے والے شخص کی شناخت ارویند کے نام سے ہوئی ہے جبکہ اس کی بیوی کو شدید زخمی حالت میں اسپتال منتقل کردیا گیا ہے،جہاں اس کی حالت تشویشناک بتائی جاتی ہے۔

- Advertisement -

پولیس کے مطابق رویندر اوراس کی بیوی آج صبح علاج کے لیے کنٹونمنٹ اسپتال پہنچے تھے اور حادثے کا شکار ہوگئے۔

اس سے قبل بھارت کی ریاست راجستھان میں شادی کی تقریب کے دوران اُس وقت کہرام مچ گیا جب دولہا ایک افسوسناک حادثے میں جان کھو بیٹھا۔

30 سالہ سورج سکسینہ راجستھان کے علاقے کوٹہ کا رہائشی تھا جس کی ہلدی کی تقریب مینل ریذیڈنسی ریزورٹ پر جاری تھی جہاں خود دولہا دلہن، اہل خانہ، رشتے دار اور دوست احباب موجود تھے۔

مسافر وین دریائے نیل میں گر گئی، 10ہلاک، متعدد لاپتہ

اچانک سورج سکسینہ ایئر کولر سے جڑی تار سے کرنٹ لگنے کے بعد زمین پر گر گیا۔ نوجوان موقع پر ہی ہلاک ہوگیا تھا لیکن گھر والوں نے اسے فوری اسپتال منتقل کیا جہاں ڈاکٹروں نے اسے مردہ قرار دیا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں