The news is by your side.

Advertisement

کے پی حکومت کو آج 20 لاکھ پودے لگانے کا ٹاسک ملا ہے: وزیر اعلیٰ

پشاور: وزیر اعلیٰ خیبر پختون خوا محمود خان نے کہا ہے کہ کے پی حکومت کو آج 20 لاکھ پودے لگانے کا ہدف ملا ہے۔

تفصیلات کے مطابق وزیر اعلیٰ کے پی محمود خان نے پشاور میں شجر کاری مہم کی تقریب سے خطاب کیا، انھوں نے کہا کہ ہم وزیر اعظم عمران خان کی مہم میں 1 ارب 20 کروڑ درخت سے زائد کا ہدف پورا کرنے کی بھرپور کوشش کریں گے۔

محمود خان نے کہا کہ خیبر پختون خوا میں 853 مقامات پر شجر کاری مہم کا انعقاد ہو رہا ہے، انشاءاللہ آج صوبے میں 20 لاکھ سے زائد پودے لگائیں گے۔ آج ہمیں فیلڈ پر جانا ہے اور شجر کاری کے لیے پودے لگانا ہے، وزیر اعظم عمران خان کی سربراہی میں پاکستان ترقی کرے گا۔

انھوں نے کہا کہ شجرکاری مہم کے علاوہ صوبے میں شیلٹر ہوم کی بہتری کے لیے بھی ٹائیگرز فورس سے فائدہ اٹھایا جائے گا۔

ٹائیگر فورس ڈے، جدید ٹیکنالوجی کے ساتھ شجرکاری کا آغاز، گرین سیلفی ایپ کیسے کام کرے گا؟

واضح رہے کہ آج ملک بھر میں ٹائیگرز فورس ڈے منایا جا رہا ہے، وزیر اعظم آج ملکی تاریخ کی سب سے بڑی شجر کاری مہم کا بھی آغاز کر رہے ہیں۔ اس سلسلے میں وزیر اعظم اسلام آباد میں پودا لگا کر بڑی شجر کاری مہم کا آغاز کریں گے۔

ٹائیگر فورس ڈے کی مرکزی تقریب آج اسلام آباد میں ہوگی، وزیر اعظم تقریب میں شرکت اور ٹائیگر فورس رضا کاروں سے خطاب کریں گے، معاونین خصوصی ملک امین اسلم اور عثمان ڈار بھی ان کے ہمراہ ہوں گے، یہ تقریب بنی گالہ کے قریب کورنگ نالے کے اطراف میں ہوگی۔

ملک میں پہلی بار شجر کاری مہم کے لیے جدید ٹیکنالوجی کا استعمال کیا جائے گا، وزیر اعظم ٹائیگر فورس ایپ میں گرین سیلفی فیچر کی منظوری دے چکے ہیں، ایپ میں جیو ٹیگنگ کی خصوصی سہولت بھی متعارف کروا دی گئی ہے۔

Comments

یہ بھی پڑھیں