پاکستان چیمپئنز ٹرافی سے قبل جنوبی افریقہ اور نیوزی لینڈ کے اشتراک سے اپنی سر زمین پر سہ ملکی ون ڈے سیریز کھیل رہا ہے۔
پاکستان چیمپئنز ٹرافی سے قبل جنوبی افریقہ اور نیوزی لینڈ کے اشتراک سے اپنی سر زمین پر سہ ملکی ون ڈے سیریز کھیل رہا ہے۔ سنگل لیگ پر کھیلی جانے والی یہ سیریز جس کا آغاز 8 فروری کو ہوگا۔ اس کو میگا ایونٹ کی تیاریوں سے جوڑا جا رہا ہے۔
سیریز کراچی اور لاہور میں کھیلی جائے گی۔ سیریز کے افتتاحی میچ سمیت دو میچز قذافی اسٹیڈیم لاہور جبکہ فائنل اور ایک راؤنڈ میچ نیشنل اسٹیڈیم کراچی میں کھیلے جائیں گے۔
سہ ملکی ون ڈے سیریز کے لیے پاکستان ٹیم کا اعلان رواں ہفتے کیے جانے کا امکان ہے۔
ٹیسٹ کے برعکس پاکستان ٹیم ون ڈے میں اپنی شاندار فارم میں ہے اور آخری پانچ میچز میں ناقابل شکست رہی ہے۔ پہلے آسٹریلیا کو اس کی سر زمین پر 22 سال بعد سیریز ہرائی پھر پروٹیز کو ان ہی کے میدانوں میں وائٹ واش کا اعزاز پایا۔
قومی سلیکشن کمیٹی کو سہ فریقی سیریز کے ساتھ چیمپئنز ٹرافی کے اسکواڈ کا بھی 11 فروری تک اعلان کرنا ہے، تاہم وہ صائم ایوب کی حتمی میڈیکل رپورٹ کے منتظر ہیں۔
صائم ایوب کے فٹ نہ ہونے کی صورت میں سہ فریقی سیریز کے لیے اعلان کردہ اسکواڈ ہی چیمپئنز ٹرافی کا اسکواڈ بھی ہو سکتا ہے۔
بھارتی کھلاڑیوں سے دوستی اور ہنسی مذاق کیوں؟ سابق پاکستانی کپتان اپنے کھلاڑیوں پر بھڑک اٹھے
