The news is by your side.

Advertisement

‘ٹرمپ اور عمران خان نے کرونا کے خلاف تعاون بڑھانے پر اتفاق کرلیا‘

اسلام آباد: وزیرخارجہ شاہ محمود قریشی نے کہا ہے کہ وزیراعظم عمران خان اور امریکی صدر ڈونلڈ ٹرمپ کے درمیان ہونے والی بات چیت میں کروناوائرس سے متعلق تبادلہ خیال کیا گیا۔

اے آر وائی نیوز سے خصوصی گفتگو کرتے ہوئے شاہ محمود کا کہنا تھا کہ وزیراعظم عمران خان اور امریکی صدرٹرمپ کا ٹیلیفونک رابطہ پاکستانی وقت کے مطابق شام6بجے ہوا، دونوں رہنماؤں میں کرونا سے متعلق صورت حال پر گفتگوہوئی، اور وائرس معاملے پر تعاون بڑھانے پر اتفاق کیا۔

وزیرخارجہ نے کہا کہ وزیراعظم نے کرونا سے اموات پر افسوس کا اظہار کیا، گفتگو میں علاقائی سیکیورٹی اور دوطرفہ معاملات پر بھی تبادلہ خیال کیا گیا، دونوں رہنماؤں کی افغانستان کی صورت حال پر بھی بات چیت ہوئی۔

ان کا مزید کہنا تھا کہ امریکی صدر نے پاکستان کو وینٹی لیٹر دینے کی بھی پیشکش کی۔

ٹرمپ عمران خان رابطہ: ’امریکی تعاون معاشی بحران اور وبا سے نمٹنے میں مدد دے گا‘

خیال رہے کہ کچھ دیر قبل وزیرا عظم عمران خان اور امریکی صدر ڈونلڈ ٹرمپ کے درمیان ٹیلی فونک رابطہ ہوا اس دوران دونوں رہنماؤں نےکرونا وبا کے چیلنجز سے نمٹنے کے لیے تبادلہ خیال کیا۔

ٹیلی فونک رابطے میں عالمی معیشت اور اس کے اثرات سے بچاؤ کے طریقوں پر گفتگو ہوئی۔ دونوں رہنماؤں نے پاک امریکا تعلقات کو مزید مضبوط کرنے پر بات چیت کی۔ وزیر اعظم عمران خان نے امریکا میں کرونا سے ہلاکتوں پر افسوس کا اظہار کیا۔ ٹرمپ کو پاکستان میں کرونا کا پھیلاؤ روکنے کی کوششوں سے آگاہ کیا گیا۔

Comments

یہ بھی پڑھیں