امریکی نمائندہ خصوصی اسٹیو وٹکوف نے کہا ہے کہ امریکی صدر ڈونلڈ ٹرمپ روسی صدر ولادیمر پیوٹن سے رواں ہفتے ٹیلی فون پر بات کرسکتے ہیں۔
امریکی صدر ڈونلد ٹرمپ کے نمائندے اسٹیو وٹکوف نے ایک انٹرویو میں گزشتہ ہفتے روسی صدر سے ملاقات مثبت قرار دیا۔
امریکی نمائندہ خصوصی اسٹیو وٹکوف نے کہا کہ یوکرین روس اختلافات کم ہوئے ہیں، صدر پیوٹن نے ٹرمپ کے فلسفے سے اتفاق کیا ہے، صدر ٹرمپ روس یوکرین جنگ کا خاتمہ چاہتے ہیں۔
اسٹیو وٹکوف نے مزید کہا کہ امریکی مذاکراتی ٹیم اس ہفتے یوکرین اور روسی وفود سے ملاقات کرے گی، روس یوکرین جنگ خاتمے میں حقیقی پیش رفت کی امید ہے۔
امریکی میڈیا کے مطابق صدر ٹرمپ کے ایلچی اسٹیووٹکوف نے گزشتہ ہفتے ماسکو میں روسی صدر پیوٹن سے ملاقات کی تھی۔
