امریکی صدر ڈونلڈ ٹرمپ نے اسرائیلی وزیراعظم کیخلاف کرپشن ٹرائل ختم کرنے کا مطالبہ کر دیا۔
اپنے سوشل میڈیا اکاونٹ پر جاری بیان میں ٹرمپ نے لکھا کہ نیتن یاہو کےکرپشن ٹرائل کو فوری ختم یا معافی دی جائے امریکا نے اسرائیل کو بچایا اب نیتن یاہو کو بھی بچائے گا۔
ٹرتھ سوشل میڈیا پلیٹ فارم میں پر ٹرمپ نے لکھا کہ نیتن یاہو کا ٹرائل فوری طور پر منسوخ کیا جائے یا ایک عظیم ہیرو کو معافی دی جائے، جس نے ریاست (اسرائیل) کے لیے بہت کچھ کیا ہے۔
اسرائیلی رہنما کا عرفی نام استعمال کرتے ہوئے مزید کہا کہ انہیں معلوم ہوا ہے کہ نیتن یاہو پیر کو عدالت میں پیش ہونے والے ہیں۔
ٹرمپ نے کہا کہ ایسا عمل ایک ایسے شخص کے لیے جس نے اتنا کچھ دیا ہے میرے لیے ناقابل تصور ہے۔
نیتن یاہو 2019 سے رشوت، دھوکادہی اور اعتمادشکنی کے کیسز کا سامناکر رہا ہے۔ نیتن یاہو نے الزامات کی تردید کی ہے۔
اسرائیلی اپوزیشن لیڈر نے ردعمل میں کہا کہ ٹرمپ اسرائیلی عدالتی معاملات میں مداخلت نہ کرے۔
