بائے امریکن‘ ہائیر امریکن، ٹرمپ کا نیا حکم نامہ -
The news is by your side.

Advertisement

بائے امریکن‘ ہائیر امریکن، ٹرمپ کا نیا حکم نامہ

واشنگٹن: امریکی صدر ڈونلڈ ٹرمپ نے ملازمتوں میں غیرملکی افراد کو موقع دینے کے ویزا پروگرام پرنظرثانی کا ایگزیکٹو آرڈر جاری کردیا۔

تفصیلات کے مطابق امریکی صدرڈونلڈ ٹرمپ نے غیر ملکی ملازمین کے ویزا پروگرام سے متعلق نیا ایگزیکٹو آرڈر جاری کیا ہے جس کے تحت امریکی مصنوعات کی خریداری اورامریکیوں کوملازمتوں میں ترجیح دینےکی پالیسی وضع کی جائے گی۔

بائے امریکن‘ ہائرامریکن کے عنوان سے منسوم اس ایگزیکٹوآرڈرمیں وفاقی اداروں کوملازمتوں میں غیرملکی افرادکوموقع دینے کے ایچ ون بی ویزا پروگرام پرنظرثانی کرنے‘ اس میں مزید بہتری لانے اورامیگریشن نظام کی خامیوں کودورکرنے کا کہا گیا ہے۔

نئے ایگزیکٹوآرڈرمیں امریکی مصنوعات کی خریداری اورامریکیوں کوملازمتوں میں ترجیح دینےکی پالیسی وضع کرنے کی ہدایت بھی کی گئی ہے۔

حکم نامے میں یہ بھی کہا گیا ہے کہ ایسے اقدامات یقینی بنائے جائیں کہ ایچ ون بی ویزا سب سے زیادہ کارکردگی یا سب سے زیادہ قابل شخص کو ہی مل سکے۔

امریکی صدر ڈونلڈ ٹرمپ کے خلاف خلا میں احتجاج


 امریکی صدر جن کے خلاف امریکہ سمیت دیگر ممالک میں احتجاج ہوتا رہا ہے اورصدرمنتخب ہونے کے بعد بھی یہ سلسلہ جاری ہےاور گزشتہ دنوں پہلی باران کے خلاف خلا میں بھی احتجاج کیا گیا۔

اس احتجاج کے بعد ڈونلڈ ٹرمپ دنیا کے پہلے صدر بن گئے ہیں، جن کے خلاف زمین کے علاوہ بھی کسی دوسری جگہ احتجاج کیا گیا ہے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں