ایران کا معاملہ، امریکی صدر ڈونلڈ ٹرمپ سلامتی کونسل کے اجلاس سے خطاب کریں گے
The news is by your side.

Advertisement

ایران کا معاملہ، امریکی صدر ڈونلڈ ٹرمپ سلامتی کونسل کے اجلاس سے خطاب کریں گے

واشنگٹن: امریکی صدر ڈونلڈ ٹرمپ ایران کے معاملے سے متعلق اقوام متحدہ کی سلامی کونسل کے اجلاس سے خطاب کریں گے۔

تفصیلات کے مطابق رواں ماہ 26 ستمبر کو نیویارک میں عالمی رہنماؤں کی بیٹھک لگے گی جہاں امریکی صدر ڈونلڈ ٹرمپ سلامتی کونسل کے اجلاس سے خطاب کریں گے۔

غیر ملکی خبر رساں ادارے کے مطابق صدر ٹرمپ 26 ستمبر کو نیویارک میں عالمی رنماؤں کے سالانہ اجتماع کے دوران سلامتی کونسل میں ایران کے حوالے سے ایک اجلاس کی صدارت اور خطاب کریں گے۔

البتہ یہ خیال ظاہر کیا جارہا ہے کہ امریکی صدر اپنے خطاب میں ایران کی جانب سے بین الاقوامی قانون کی خلاف ورزیوں پر روشنی ڈالیں گے، اور ایران کو مشرقی وسطیٰ کے لیے خطرہ قرار دیں گے۔

علاوہ ازیں ایرانی صدر حسن روحانی 25 سمتبر کو ہونے والے اقوام متحدہ کی جنرل اسمبلی سے خطاب کریں گے، جبکہ سلامتی کونسل میں بھی ایران گفتگو کا مطالبہ کرسکتا ہے۔

امریکی پابندیوں کے باوجود ایران کا تیل کی فروخت جاری رکھنے کا عزم

دوسری جانب امریکا کی جانب سے اقتصادی پابندیاں اور دباؤ کے باوجود ایران نے تیل کی فروخت جاری رکھنے کا فیصلہ کیا ہے۔

خیال رہے کہ گذشتہ روز ایرانی صدر حسن روحانی نے کہا تھا کہ امریکا ایرانی تیل کی برآمد کو ہدف بنا کر اُن کے ملک پر پابندیوں کا نفاذ چاہتا ہے، ایسی امریکی کوششوں کے باوجود ایرانی خام تیل کی پروڈکشن اور بین الاقوامی منڈیوں میں فروخت جاری رکھی جائے گی۔

یاد رہے کہ ایران کی معاشی صورت حال ان دنوں شدید بحران کا شکار ہے، گذشتہ روز امریکی ڈالر کے مقابلے میں ایرانی ریال کی قدر میں ریکارڈ کمی دیکھنے میں آئی تھی۔

Comments

comments

یہ بھی پڑھیں