واشنگٹن : امریکی صدرڈونلڈ ٹرمپ کا کہنا ہے کہ اطلاع ملی ہے کہ ہیری، میگھن اب کینیڈا چھوڑ کرامریکا آرہے ہیں، برطانوی شاہی جوڑے کو اپنی سیکیورٹی کا خرچہ خود اٹھانا پڑے گا، اخراجات امریکہ ادا نہیں کرے گا۔
تفصیلات کے مطابق امریکی صدرڈونلڈ ٹرمپ نے سماجی رابطے کی ویب سائٹ ٹوئٹر پر اپنے بیان میں کہا ہے کہ ملکہ اور برطانیہ کابہت اچھادوست اورمداح ہوں، ہیری، میگھن کی برطانیہ چھوڑکرکینیڈامیں سکونت اختیارکرنے کا سنا۔
ڈونلڈ ٹرمپ کا کہنا تھا کہ اطلاع ملی ہے کہ ہیری، میگھن اب کینیڈاچھوڑکرامریکاآرہےہیں، برطانوی شاہی جوڑے کو اپنی سیکیورٹی کاخرچہ خود اٹھانا پڑے گا، اخراجات امریکہ ادا نہیں کرے گا۔
I am a great friend and admirer of the Queen & the United Kingdom. It was reported that Harry and Meghan, who left the Kingdom, would reside permanently in Canada. Now they have left Canada for the U.S. however, the U.S. will not pay for their security protection. They must pay!
— Donald J. Trump (@realDonaldTrump) March 29, 2020
یاد رہے کہ شہزادہ ہیری اور میگھن مرکل نے رواں برس کے آغاز پر شاہی خاندان سے علیحدگی اور معاشی طور پر خود مختاری کا فیصلہ کیا تھا۔
شاہی جوڑے نے اپنے بیان میں کہا تھا کہ وہ شاہی پروٹوکول چھوڑ کر عام انسانوں کی طرح زندگی بسر کرنا چاہتے ہیں اور اب وہ مستقبل میں اپنے فلاحی و دیگر کاموں پر توجہ دیں گے۔
شاہی خاندان چھوڑنے کے بعد جوڑا اب کینیڈا منتقل ہوچکا ہے، بعد ازاں ملکہ برطانیہ، ملکہ الزبتھ نے شاہی خاندان سے الگ ہوجانے والے اپنے پوتے ہیری اور ان اہلیہ میگھن مرکل کو شاہی لقب ’سسکیس رائل‘ استعمال کرنے سے روک دیا تھا۔