واشنگٹن: امریکی صدر نے اپنے حامیوں سے احتجاج بند کرنے کی اپیل کردی ہے، ٹوئٹر انتظامیہ نے ٹرمپ کا اکاؤنٹ بلاک کردیا ہے۔
امریکی میڈیا رپورٹ کے مطابق پر تشدد احتجاج اور مظاہروں کے بعد امریکی صدر ڈونلڈ ٹرمپ نےحامیوں سے احتجاج بند کرنے کی اپیل کی ، سماجی رابطے کی ویب سائٹ ٹوئٹر پر جاری اپنے ویڈیو پیغام میں ٹرمپ کا کہنا تھا کہ انہیں مظاہرین کے دکھ اور تکلیف کا احساس ہے۔
صدر ٹرمپ نے اپنے ان دعوؤں کو ایک بار پھر دہرایا کہ وہ جانتے ہیں کہ صدارتی انتخاب ہم سے چوری کیا گیا، یہ انتہائی مشکل وقت ہے لیکن ہم نہیں چاہتے کہ کسی کو نقصان پہنچے، یہ دھاندلی زدہ انتخابات ہیں اور ہمیں ان لوگوں کے ہاتھوں نہیں کھیلنا، امن کی خاطر واپس گھروں کو چلے جائیں اور قانون ہاتھ میں نہ لیں۔
امریکی صدر کے ویڈیو پیغام اور ٹوئٹ پر سماجی رابطے کی ویب سائٹ ٹوئٹر انتظامیہ نے ایکشن لیتے ہوئے امریکی صدر ڈونلڈ ٹرمپ کا ٹوئٹر اکاؤنٹ 12 گھنٹے کے لئے لاک کردیا اور ساتھ ہی انہیں پابندی کی وارننگ بھی دے دی۔
I am asking for everyone at the U.S. Capitol to remain peaceful. No violence! Remember, WE are the Party of Law & Order – respect the Law and our great men and women in Blue. Thank you!
— Donald J. Trump (@realDonaldTrump) January 6, 2021
ٹوئٹر انتظامیہ کا کہنا تھا کہ امریکی صدر ٹرمپ کے آج تین ٹوئٹ ڈیلیٹ کیے گئے ہیں اور ان کا اکاؤنٹ 12 گھنٹوں کیلئے لاک کردیا گیا ہے، جب تک ٹرمپ ٹوئٹ نہیں ہٹائیں گے ان کا اکاؤنٹ لاک رہے گا۔
ٹوئٹر کی جانب سے بلاک کئے گئے ٹرمپ کے ٹوئٹ کا اسکرین شاٹ
