The news is by your side.

Advertisement

امریکی صدر چار روزہ دورے پر جاپان پہنچ گئے

ٹوکیو: امریکی صدر ڈونلڈ ٹرمپ چار روزہ دورے پر ٹوکیو پہنچ گئے.

تفصیلات کے مطابق امریکی صدر اس وقت ٹوکیو میں موجود ہیں، ان کی اہلیہ میلانیا ٹرمپ بھی ان کے ساتھ ہیں.

امریکی صدر ٹوکیو کے ہانیڈا ہوائی اڈے پہنچے، تو جاپانی وزیر خارجہ نے ان کا استقبال کیا.

ڈونلڈ ٹرمپ اپنے چار روزہ دورے کے دوران اہم معاہدہ کریں‌ گے، تجزیہ کار امریکا اور جاپان کے مابین معاہدوں کی بھی امیدیں ظاہر کر رہے ہیں.

کل صدر ٹرمپ وزیر اعظم شینزو آبے سے ملاقات کریں گے، اس دوران امور پر تبادلہ خیال ہوگا۔

پیر کے روز ٹرمپ جاپان کے نئے شہنشاہ ناروہیتو سے ملاقات کریں گے، یہ نئے جاپانی شہنشاہ کی کسی سربراہ مملکت سے اولین ملاقات ہوگی.

وزیر اعظم شینزو آبے اور ٹرمپ کے مابین شمالی کوریا کے علاوہ ایران سے متعلق بھی گفتگو متوقع ہے.

مزید پڑھیں: ٹرمپ تاریخ جانتے ہیں اور نہ ہی ایرانیوں کو پہچانتے ہیں، محمد جواد ظریف

خیال رہے کہ جاپانی وزیر اعظم کا ایران کا اہم دورہ جون کے وسط میں‌ متوقع ہے، البتہ اس ضمن میں‌ اب تک کسی تاریخ کا اعلان نہیں کیا گیا ہے.

یہ بھی کہا جارہا ہے کہ اس دورہ کا انحصار ٹرمپ اور شینزو آبے کی ملاقات پر ہے.

Comments

comments

یہ بھی پڑھیں