site
stats
عالمی خبریں

ٹرمپ کا ریٹائرڈجنرل جون کیلی کو ہوم لینڈ سکیورٹی کاسربراہ تعینات کرنے کا فیصلہ

نیویارک : نومنتخب امریکی صدرڈونلڈ ٹرمپ نے ریٹائرڈ جنرل جون کیلی کو ہوم لینڈ سکیورٹی کا سربراہ تعینات کرنے کا فیصلہ کرلیا ہے۔

امریکی میڈیا کے مطابق امریکی سدرن کمانڈ کے سابق سربراہ جون کیلی نے ہوم لینڈ سیکیورٹی کے سربراہ بننے کی پیشکش قبول کرلی ہے، جون کیلی بدنام زمانہ گوانتاناموبے کے سربراہ بھی رہ چکے ہیں اور ماضی میں اوباما انتظامیہ کی جانب سے گوانتاناموبے کو بند کرنے کی راہ میں رکاوٹ رہے۔

اس وقت جنرل کیلی کا کہنا تھا کہ گوانتاناموبے میں کوئی بے گناہ نہیں ہے، جنرل کیلی ایک گولڈ اسٹار والد ہیں اور انکا بیٹا رابرٹ کیلی بھی 2010 میں افغانستان میں مارا گیا تھا۔

trump-post

جون کیلی کے صدر اوباما کے ساتھ اختلافات کی خبریں میں میڈیا میں آتی رہیں۔

جون کیلی نے سدرن کمانڈ کے سربراہ کی حیثیت سے لاطینی امریکا اور کیریبئن میں امریکی فوج کی سرگرمیوں اور تعلقات کے نگران تھے۔


مزید پڑھیں : ڈونلڈ ٹرمپ کاجیمز میٹس کو وزیردفاع بنانے کا اعلان


ڈونلڈ ٹرمپ کے معاونین کے مطابق ریٹائرڈ میرین جنرل جان کیلی کا انتخاب جنوبی امریکہ کے خطے سے ان کی واقفیت اور منشیات، دہشت گردی اور ان دیگر خطرات کو شکست دینے کے ان کے عزم کی بنیاد پر کیا گیا ہے۔

یاد رہے اس سے قبل منگل کو نومنتخب صدر نے ریاست آئیووا کے گورنر ٹیری برینسٹڈکو چین کے لیے امریکہ کا سفیر نامزد کرنے کا اعلان کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top