امریکا کے سابق صدر ڈونلڈ ٹرمپ نے دعویٰ کیا ہے کہ وہ روس اور یوکرین جنگ کو صرف 24 گھنٹوں کے اندر اندر ختم کر سکتے ہیں۔
غیر ملکی میڈیا کے مطابق ٹرمپ نے یہ دعویٰ اپنے ایک انٹرویو میں کیا۔ انہوں نے اپنے اس دعوے کے حوالے سے ایک سال سے بھی زائد عرصے سے جاری جنگ صرف ایک دن میں ختم کرنے کے حوالے سے کوئی واضح طریقہ تو نہیں بتایا تاہم ان کا کہنا تھا کہ وہ امن مذاکرات کی صدارت کرتے ہوئے ایسا کریں گے۔
سابق امریکی صدر کا کہنا تھا کہ اگر 2024 کے صدارتی انتخابات کے اختتام تک جنگ ختم نہیں ہوتی ہے اور اس دوران وہ دوبارہ وائٹ ہاؤس کے لیے منتخب ہو جاتے ہیں، تو وہ ایک دن کے اندر امن سمجھوتہ کر لیں گے۔
ڈونلڈ ٹرمپ نے یہ بھی دعویٰ کیا کہ ان کی روس کے صدر ولادیمیر پیوٹن اور یوکرینی صدر زیلینسکی سے بات چیت بہت آسان ہوگی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں