مکہ مکرمہ : وزیر مذہبی امور سینیٹر طلحہٰ محمود کا کہنا ہے کہ پاکستانی حجاج کیلئے سعودی ٹیکسز میں مکمل چھوٹ یا نرمی کیلئے کوشش کر رہے ہیں۔
تفصیلات کے مطابق وزیر مذہبی امور سینیٹر طلحہٰ محمود کی سربراہ رابطہ عالم اسلامی ڈاکٹر محمد سے ملاقات ہوئی، ملاقات میں پاکستانی عازمین حج کیلئے زیادہ سے زیادہ سہولیات کے حصول پر تبادلہ خیال کیا گیا۔
وفاقی وزیر نے کہا کہ حجاج کیلئے سعودی ٹیکسز میں مکمل چھوٹ یا نرمی کیلئے کوشش کر رہے ہیں، جس پر سربراہ رابطہ عالم اسلامی کا کہنا تھا کہ مشکل معاشی حالات کے باوجود پاکستانی عوام کا حرمین شریفین سے لگاؤ قابل ذکرہے۔
طلحہٰ محمود نے پاکستانی حجاج کو منیٰ عرفات میں سہولیات دینے والی جنوبی ایشیا طواف کمپنی کا دورہ کیا، جہاں ان کی ضیوف البیت سروسز کمپنی کے سربراہ اسامہ دانش سے ملاقات ہوئی۔
ملاقات میں منیٰ عرفات میں خیموں، خوراک اور سفری سہولیات پر تفصیلی تبادلہ خیال کیا۔
وزیرمذہبی امور نے مشاعر کی سہولیات پر مبنی تھری ڈی ماڈلز اور آرکائیوز انکلوژر کا دورہ کیا اور ڈی جی حج عبدالوہاب سومرو اور ڈائریکٹر حج مکہ فہیم آفریدی کو ہدایات جاری کیں۔
طلحہٰ محمود کا کہنا تھا کہ امسال حج مکمل گنجائش پر ہوگا، کم قیمت میں اچھی سہولیات کے حصول کا چیلنج پورا کرنا ہوگا۔
