اسلام آباد : سیکیورٹی اداروں کے ہاتھوں بڑھتے جانی نقصان کے باعث کالعدم پاکستان تحریک طالبان (ٹی ٹی پی) ٹوٹ پھوٹ کا شکار ہے۔
تفصیلات کے مطابق کالعدم پاکستان تحریک طالبان (ٹی ٹی پی) اندرونی اختلافات کے باعث ٹوٹ پھوٹ کا شکار ہے۔
سیکیورٹی اداروں کے ہاتھ شدید نقصانات سے دھڑے بندی اور وسائل کی تقسیم کی وجہ سے مزید دھڑوں میں بٹتی جارہی ہے۔
دھڑے بندی کا شکار کالعدم ٹی ٹی پی مہمند، سوات اور باجوڑ ایجنسی اپنی مرکزی قیادت سے ناراض ہوکر علیحدگی کیلئے مشاورت کر رہے ہیں۔
کالعدم تنظیم کی مرکزی قیادت انتظامی امور میں محسود اور وزیرقبائل کو باقی پر فوقیت دیتی ہے، جو دھڑے بندی کو مضبوط کررہا ہے۔
اہم معاملات پر کالعدم تنظیم میں مرکزی قیادت سب سے مشاورت نہیں کرتی جبکہ پاکستان میں دہشت گردی کیلئے افغان جنگجوؤں کا استعمال بھی کالعدم ٹی ٹی پی میں اختلافات کا سبب بن رہا ہے۔
ان اختلافات کو دور کرنے کیلئے کالعدم تنظیم کے باجوڑکےاہم لیڈرشیخ گل محمد اورسوات کے ڈاکٹرحمود نے مفتی نورولی کے ساتھ گزشتہ دنوں ایک جرگہ بھی کیا لیکن مفتی نورولی نے دیگر دھڑوں کے مطالبات ماننے سے انکار کردیا، جس پر جرگہ ناکام ہوگیا ہے۔
