کابل: افغانستان میں کالعدم ٹی ٹی پی سرغنہ عتیق الرحمان عرف ٹیپو گل مروت ہلاک ہو گیا۔
تفصیلات کے مطابق افغانستان کے علاقے کنڑ میں کالعدم ٹی ٹی پی لکی مروت کا سرغنہ عتیق الرحمان عرف ’ٹیپو گل مروت‘ مارا گیا، ہلاک دہشت گرد پاکستان میں دہشت گردی کی متعدد کارروائیوں میں ملوث تھا۔
ذرائع کا کہنا ہے کہ افغانستان میں دہشت گرد سرغنہ کی ہلاکت کالعدم ٹی ٹی پی کی افغانستان میں موجودگی کا واضح ثبوت ہے، افغانستان میں آپس کے اندرونی خلفشار کی وجہ سے آئے دن کالعدم ٹی ٹی پی کے رہنما پراسرار طور پر مارے جا رہے ہیں۔
قومی سلامتی کے حوالے سے تجزیہ کار سوال اٹھا رہے ہیں کہ واضح ثبوتوں کے باوجود افغان حکومت اب بھی کالعدم ٹی ٹی پی کے دہشت گردوں کے خلاف کارروائی نہیں کرے گی؟
