تلمبہ: پنجاب کے ایک چھوٹے شہر تلمبہ کے ایک سرکاری اسکول میں چھٹی کرنے پر ٹیچر نے دو طالبات کو انوکھی سزا دے دی، جس سے ان کی حالت غیر ہو گئی۔
تفصیلات کے مطابق تلمبہ شہر کے ایک نواحی گاؤں میں گورنمنٹ اسکول کی ٹیچر نے طالبات کو انوکھی سزا دے کر اسپتال پہنچا دیا، ساتویں کلاس کی 2 بہنوں نے بغیر اجازت چھٹیاں کی تھیں۔
گزشتہ روز جب وہ اسکول پہنچیں تو ٹیچر نے ان کے گلے میں بھاری بیگ ڈال کر بیٹھکیں لگوائیں، جس سے ان کی حالت غیر ہو گئی۔
طالبات کے والد مصطفیٰ نے بتایا کہ دونوں بچیوں کی حالت بگڑنے پر ٹی ایچ کیو اسپتال منتقل کیا گیا، انھوں نے کہا ہم وزیر اعلیٰ پنجاب سے انسانیت سوز سلوک کرنے پر کارروائی کا مطالبہ کرتے ہیں۔
Comments
- Advertisement -
