ممبئی: بھارت کی نوجوان اداکارہ تونیشا شرما کی شوٹنگ کے دوران سیٹ پر خودکشی کرنے سے 15 منٹ قبل کی تفصیلات سامنے آگئیں۔
بھارتی میڈیا نے ذرائع کا حوالہ دے کر دعویٰ کیا ہے کہ شوٹنگ والے دن تونیشا شرما کی والدہ ونیتا شرما سیٹ پر آئیں اور ساتھی اداکار شیزان خان سے اکیلے میں طویل گفتگو کی۔ انہوں نے شیزان سے درخواست کی کہ میری بیٹی کا پیچھا چھوڑ دو۔
اس کے بعد تونیشا اور شیزان نے میک اپ روم میں ساتھ بیٹھ کر کھانا کھایا اور گفتگو کی۔ سیٹ پر موجود لوگوں کے مطابق اداکارہ اس دن بالکل نارمل تھیں اور سب سے بات چیت کر رہی تھیں۔
کھانے کے بعد شیزان کو ایک سین کی شوٹنگ کے بلایا گیا۔ اداکار نے میک اپ روم سے نکلتے ہوئے غصے میں دروازہ بند کیا اور چلے گئے۔ تونیشا میک اپ روم کے اندر ہی موجود تھیں۔
یہ بھی پڑھیں: اداکارہ تونیشا شرما خودکشی کیس میں اہم انکشاف
تونیشا کے سین کی شوٹنگ کے لیے جب اسسٹنٹ ڈائریکٹر نے میک اپ روم کا دروازہ کھولنا چاہا تو وہ اندر سے بند تھا۔ کافی دیر تک کھٹکھٹانے کے بعد باوجود تونیشا نے دروازہ نہیں کھولا۔
شیزان اور دیگر ساتھ اداکار جب دروازہ توڑ کر اندر داخل ہوئے تو دیکھ اداکارہ کی لاش چھت سے جھول رہی ہے۔ انہوں نے لاش کو فوری طور پر اتار کر اسپتال منتقل کیا جس کی سی سی ٹی وی فوٹیج بھی سامنے آ چکی ہے۔
CCTV Video Just after death of #TunishaSharma, #Sheezan was taking her into the hospital after her suicide. pic.twitter.com/zXCC20doZQ
— Sandeep Panwar (@tweet_sandeep) December 27, 2022
پولیس نے اداکارہ کو مبینہ طور پر خودکشی پر اُکسانے کے الزام میں شیزان کو گرفتار کر رکھا ہے جبکہ سیٹ پر موجود تمام لوگوں کے بیانات قلمبند کر لیے۔
ادھر اداکارہ کے انکل پون شرما نے میڈیا سے گفتگو میں دعویٰ کیا ہے کہ تونیشا کو جب پتا چلا کہ شیزان کسی لڑکی کے ساتھ گھوم پھر رہا ہے تو وہ ذہنی تناؤ کا شکار ہوگئی، شوٹنگ کے دوران تونیشا اور شیزان کی ملاقات میک اپ روم میں ہوئی لیکن پتا نہیں اس کے بعد وہاں کیا ہوا۔
