The news is by your side.

Advertisement

جنات اور چڑیلیں پکڑنے کیلیے سرنگ کھودنے والا گرفتار

ملتان : پولیس نے جنات اور چڑیلیں پکڑنے والے جعلی عامل کو کو پکڑ کر نامعلوم مقام پر منتقل کردیا، ملزم سرکاری کوارٹر میں بہت گہری سرنگ کھود رہا تھا۔

تفصیلات کے مطابق ملتان کے علاقے واپڈا کالونی میں پولیس نے اہم کارروائی کی، اس دوران غیر مرئی قوتیں حاصل کرنے کیلئے سرکاری کوارٹرز میں سرنگ کھودنے والے ملزم کو گرفتار کیا گیا۔،

اس حوالے سے پولیس حکام کا کہنا ہے کہ جنوں اور چڑیلوں کو پکڑنے کیلئے سرنگ کھودنے والے جعلی عامل کو پکڑ لیا گیا ہے۔ پولیس نے بتایا کہ سرنگ کی گہرائی دس سے پندرہ فٹ تک تھی۔

گرفتار ملزم آصف کا کہنا ہے کہ اس نے جنات اور چڑیلیں پکڑنے کیلیے سرنگ کھودی ہے، پولیس نے گرفتاری کے بعد ملزم کو نامعلوم مقام پر منتقل کردیا ہے۔

پولیس حکام کے مطابق ملزم آصف سرکاری ملازم ہے، مذکورہ معاملہ واقعی جنات پر قبضے کا ہے یا کچھ اور اس حوالے سے مزید تحقیقات کی جارہی ہیں۔ اہم انکشافات متوقع ہیں۔

Comments

یہ بھی پڑھیں