ترک وزیرخارجہ اعلیٰ سطح وفد کے ہمراہ اسلام آباد پہنچ گئے: Turkey: VISIT
The news is by your side.

Advertisement

ترک وزیرخارجہ اعلیٰ سطح وفد کے ہمراہ اسلام آباد پہنچ گئے

اسلام آباد: ترک وزیر خارجہ میولوت چاوش اوغلو اعلیٰ سطح وفد کے ہمراہ اسلام آباد پہنچ گئے، وہ پاکستانی ہم منصب سمیت دیگر عہدیداروں سے ملاقاتیں کریں گے۔

تفصیلات کے مطابق ترکی کے وزیر خارجہ میولوت چاوش اوغلو پاکستان کے اس اہم دورے میں اپنے پاکستانی ہم منصب شاہ محمود قریشی کے علاوہ دیگر عہدیداروں سے بھی ملاقاتیں کریں گے۔

دورہ پاکستان کے موقع پر دونوں وزرائے خارجہ میں وفود کی سطح پر بھی مذاکرات ہوں گے، باہمی تعلقات، تجارتی اور اقتصادی تعاون پر بات چیت ہوگی۔

ترک وزیرخارجہ پاکستانی قیادت سے بھی ملاقاتیں کریں گے، چاوش اوغلو نئی پاکستانی قیادت کو ترک صدر کا پیغام پہنچائیں گے۔

وزیرخارجہ میولوت چاوش اوغلونئی حکومت کے اقتدار سنبھالنے کے بعد چوتھے وزیرخارجہ ہیں جو پاکستان کے دورے پر اسلام آباد پہنچے ہیں۔

خیال رہے کہ ترک وزیر خارجہ پاکستان کے نئے صدر مملکت عارف علوی کو اپنی اور ترک صدر کی جانب سے مبارک باد بھی پیش کریں گے۔

واضح رہے کہ ترکی اور پاکستان دو ایسے دوست ممالک ہیں جو عالمی پلیٹ فارم پر ایک جیسا موقف رکھتے ہیں اور دونوں ممالک مسئلہ کشمیر اور مسئلہ قبرص کے حل پرایک دوسرے کا مکمل ساتھ دیتے چلے آرہے ہیں۔

Comments

comments

یہ بھی پڑھیں