انقرہ: ترکیہ کے صدر رجب طیب اردوان نے بلدیاتی انتخابات کو اپنا آخری الیکشن قرار دے دیا ہے۔
ترک سرکاری خبر رساں ایجنسی انادولو کے مطابق جمعہ کو ترک صدر رجب طیب اردوان نے بلدیاتی الیکشن کو اپنا آخری الیکشن قرار دیتے ہوئے کہا کہ 31 مارچ کو ہونے والے بلادیاتی انتخابات ان کا آخری الیکشن ہوگا۔
رجب طیب اردوان جدید ترکی کے سب سے کامیاب سیاست دان ہیں جنھوں نے گزشتہ دو دہائیوں سے زیادہ عرصے تک ملک کی قیادت کی، 2002 کے بعد سے ایک درجن سے زیادہ انتخابات میں فاتح قرار پائے۔
Here is the footage. Erdogan says this is his last election and everyone should act accordingly in March local elections to win as many as cities possible pic.twitter.com/uj2KFUJoG4
— Ragıp Soylu (@ragipsoylu) March 8, 2024
اردوان مئی 2023 میں ہونے والے انتخابات کے دوران 5 سال کی مدت کے لیے دوبارہ منتخب ہوئے، اردوان نے کہا کہ قانون کے ذریعے دیے گئے مینڈیٹ کے تحت یہ میرا آخری الیکشن ہے، جو بھی نتیجہ نکلے گا وہ میرے بعد آنے والے بہن بھائیوں کو میراث کی منتقلی ہوگا۔
