برسلز :ترک صدررجب طیب اردگان کا کہنا ہے کہ روسی جنگی طیاروں کی ترک فضائی حدود کی خلاف ورزیوں کے بعد دونوں ملکوں کے تعلقات کا مستقبل خطرے میں پڑ گیا ہے.
برسلز میں بیلجئم کے وزیرِاعظم کے ساتھ مشترکہ پریس کانفرنس میں ترک صدر نے کہا کہ روسی طیاروں کی جانب سے ترک فضائی حدود کی خلاف ورزی کو کسی صورت برداشت نہیں کریں گے۔
صدر اردگان نے واضح کیا کہ ترکی پر حملہ نیٹو پر حملہ تصور کیا جائے گا، انکا کہنا تھا کہ روس اور ترکی کے دوستی سے دنیا واقف ہے، دونوں ملکوں کے درمیان کئی معاملات میں قریبی تعاون موجود ہے، اگر روس نے اس دوستی کو خراب کیا تو اسےاس کا خمیازہ بھگتا پڑے گا۔
دوسری جانب ترک وزیرِاعظم نے خبردار کیا ہے کہ ترک خلاف ورزی کرنے والے غیرملکی جنگی طیاروں کو مارگرانے کا اختیار رکھتی ہے۔