استنبول : ترکی نے مقامی طور پر تیار ہونے والے جدید ڈرون طیارے کی کامیاب ٹیسٹ پرواز کی ہے، اس طیارے نے لگ بھگ 62منٹ تک فضا میں پرواز کی۔
تفصیلات کے مطابق ترکی انجینئروں کی بدولت تیار ہونے والے جدید ڈرون طیارے کی آزمائشی پرواز کامیابی سے مکمل کرلی گئی ہے، یہ ڈرون طیارہ مقامی طور تیار کیا گیا ہے۔
غیر ملکی ذرائع ابلاغ کے مطابق ترک کمپنی بیکر مکینا میں بنایا جانے والے ڈرون طیارے نے فضا میں 62 منٹ تک کی کامیاب ٹیسٹ پرواز کی، یہ آزمائشی پرواز استنبول کے شمال مغربی علاقے میں کی گئی۔
ترکی کا ایک اور کامیاب تجربہ
ترکی کا مقامی طور پر تیار جدید ڈرون طیارے کی کامیاب ٹیسٹ پرواز
یہ ڈرون ترک کمپنی بیکر مکینا نے تیار کیا ہے۔ اس کی 62 منٹ کی کامیاب ٹیسٹ پرواز استنبول کے شمال مغربی علاقے میں کی گئی pic.twitter.com/S50IP1g1OE— TRT URDU (@TRTurduP) August 14, 2020
یاد رہے کہ اس سے قبل گزشتہ مارچ میں یوکرائن نے ترکی سے خریدے گئے 6عدد بائراکتار ٹی بی ٹو ڈرون طیاروں کی تجرباتی پروازیں کامیابی سے مکمل کی تھیں۔
یوکرائن وزارت دفاع کی طرف سے جاری کئے گئے تحریری بیان میں کہا گیا تھا کہ بائراکتار ٹی بی ٹو ڈرون طیاروں کی تجرباتی پروازوں کے بعد انہیں استعمال کے لئے یوکرائن مسلح افواج کے حوالے کر دیا گیا ہے۔
بیان میں بائراکتار ٹی بی ٹو کی تجرباتی پروازوں کے بارے میں کہا گیا ہے کہ ” ہم نے بائراکتار تیزی سے ٹیک آف کیا اور جنگی تربیت کا آغاز کر دیا، یہ ڈرون طیارے یوکرائن ائیر فورس کو مضبوط بنائیں گے۔
