ترک صدر کا نواز شریف سے فون پر اظہار تعزیت -
The news is by your side.

Advertisement

ترک صدر کا نواز شریف سے فون پر اظہار تعزیت

لاہور: ترکی کے صدر رجب طیب اردوان نے اڈیالہ کے قیدی سابق وزیرِ اعظم نواز شریف کو فون کر کے ان کی اہلیہ کے انتقال پر تعزیت کی۔

تفصیلات کے مطابق بیگم کلثوم نواز کے انتقال پُر ملال پر میاں نواز شریف کو ترکی کے صدر نے فون کیا، فون پر رجب طیب اردوان نے کلثوم نواز کے انتقال پر اپنی اور اہلِ خانہ کی طرف سے اظہار تعزیت کیا۔

ترک صدر رجب طیب اردوان نے کہا ’بیگم کلثوم نواز کی وفات شریف خاندان کے لیے بڑا صدمہ ہے، اللہ تعالی انھیں کو جنت الفردوس میں جگہ عطا فرمائے۔‘

خیال رہے کہ آج سعودی عرب کے سفیر نے بھی میاں نواز شریف سے جاتی امرا میں ملاقات کی ہے، سفیر نواف بن سعيد المالکی نے بیگم کلثوم نواز کے انتقال پر اظہار تعزیت کیا۔

واضح رہے کہ پیرول پر رہائی کے بعد آج پہلی بار نواز شریف تعزیت کرنے والوں سے ملے، لیگی رہنماؤں اور کارکنوں نے ان سے مل کر اظہارِ تعزیت کیا۔


سعودی سفیر کی نوازشریف سے ملاقات، بیگم کلثوم نوازکے انتقال پراظہار تعزیت


آج سابق خاتونِ اول بیگم کلثوم نواز کی نماز جنازہ لندن کی ریجنٹ پارک مسجد میں ادا کی گئی، نماز جنازہ میں شریف خاندان اور مختلف طبقوں سے تعلق رکھنے والے افراد نے شرکت کی۔

Comments

comments

یہ بھی پڑھیں