The news is by your side.

Advertisement

پاک بھارت کشیدگی کم کرنے میں کردار ادا کرنے کو تیار ہیں، ترک صدر اردوان

انقرہ: ترک صدر رجب طیب اردوان نے کہا ہے کہ پاک بھارت کشیدگی کم کرنے میں کردار ادا کرنے کو تیار ہیں، پاک بھارت کشیدگی کسی کے مفاد میں نہیں ہے۔

غیرملکی خبررساں ادارے کے مطابق ترک صدر رجیب طیب اردوان نے بلدیاتی انتخابات کی مہم کے دوران عوام سے خطاب کرتے ہوئے کہا کہ پاکستان کا بھارتی پائلٹ کو رہا کرنا اچھا اقدام ہے، امید ہے بھارت کی طرف سے بھی مثبت جواب دیا جائے گا۔

بھارتی پائلٹ کی واپسی پاکستان کا شایان شان عمل ہے

ترک صدر

ترک صدر نے کہا کہ پاکستان کے وزیراعظم عمران خان اور صدر سے پاک بھارت کشیدگی پر بات ہوئی ہے، کشیدگی میں کمی کے لیے خود پر عائد فرائض ادا کرنے کو تیار ہیں۔

رجب طیب اردوان نے کہا کہ بھارتی پائلٹ کی واپسی پاکستان کا شایان شان عمل ہے، پاکستان کے عمل کی جتنی بھی تعریف کی جائے کم ہے، کشیدگی میں کمی پاکستان اور بھارت کے اپنے مفاد میں ہے۔

مزید پڑھیں: پاکستان اور کشمیریوں کی حمایت کرتے رہیں گے: ترک صدر کا واضح مؤقف

خیال رہے 27 فروری کو پاکستان نے فضائی حدود کی خلاف ورزی پر بھارت کےدو طیارے مارگرائے تھے اور پائلٹ ابھی نندن کوگرفتارکرلیا تھا، جس کے بعد بھارت نے بھی طیاروں کی تباہی اور پائلٹ لاپتہ ہونے کا اعتراف کیا تھا۔

بھارتی پائلٹ کو رہائی دینے کے اعلان پر وزیراعظم عمران خان کو دنیا بھر سے پذیرائی ملی اور ابھی نندن کی رہائی کے اعلان کو زبردست اقدام قرار دیا گیا۔

Comments

comments

یہ بھی پڑھیں