انقرہ: ترکی کی گلوکارہ نے کشمیریوں کے ساتھ اظہار یکجہتی کے لیے نغمہ ریلیز کیا جو پاکستان سمیت کئی ممالک میں مقبول ہوگیا۔
اے آر وائی نیوز کی رپورٹ کے مطابق ترکش گلوکارہ ڈیلا مائلز کی آواز میں کشمیریوں سے اظہار یکجہتی کے لیے گایا ہوا نغمہ دیکھتے ہی دیکھتے پاکستان اور وادی کشمیر سمیت کئی ممالک میں مقبول ہوگیا۔
گانے کو سب سے پہلے سماجی رابطے کی ویب سائٹ ٹویٹر پر ترک رکن پارلیمنٹ اور حکمران جماعت کے سیاست دان عزیز ببوشو نے شیئر کیا جس کے بعد نغمہ دیکھتے ہی دیکھتے وائرل ہوگیا۔
’میرا نام کشمیر ہے‘ کے نام سے یہ نغمہ انگریزی زبان میں دنیا بھر میں ریلیز کیا گیا ہے، یہ نغمہ ترکی کے نغمہ نگار اور موسیقار ترگے ایورین نے لکھا ہے اور اس کی موسیقی بھی انہوں نے ہی ترتیب دی ہے۔
Keşmir, onlarca adımızdan biri.
Kudüs gibi, Saraybosna, Arakan, Halep gibi.
Mazlumların şarkılarını en iyi biz biliriz. #Keşmir'in şarkıları ölümden, katliamdan bahsediyor.
Bu şarkılar duyulsun ve sözleri değişsin diye…
Şarkının tamamı için.👇https://t.co/dAY1PbIjax pic.twitter.com/kj2U84mnJh
— Aziz Babuşcu (@ABabuscu) June 10, 2020
ترک نغمہ نگار اور موسیقار ترگے ایورین کا کہنا ہے کہ یہ نغمہ آزادی سے محروم دنیا بھر کے مظلوم عوام کے لیے ہے۔
نغمے کی ویڈیو میں بھارتی فوج کے مظالم اور کشمیری عوام کی جدوجہد اور پاکستان سے محبت کی عکاسی کی گئی ہے۔
سوشل میڈیا پر نغمہ تیزی سے وائرل ہورہا ہے اور کشمیریوں سے اظہار یکجہتی کرنے پر ترک گلوکارہ کی تعریف کی جارہی ہے۔