واشنگٹن : فلوریڈا ہائی وے پر دوڑتی تیزرفتار کار کی ونڈ اسکرین سے کچھوا ٹکرا گیا، خوفناک حادثے کے باعث معمر خاتون مسافر زخمی ہوگئیں۔
غیر ملکی خبر رساں ادارے کی رپورٹ کے مطابق یہ حادثہ امریکی ریاست فلوریڈا کے انٹراسٹیٹ ہائی وے پر پیش آیا جہاں ایک عمر رسیدہ خاتون اپنے بیٹے کے ساتھ گاڑی میں سفر کررہی تھیں۔
دوران سفر اچانک ایک کچھوا گاڑی کے سامنے والے شیشے (ونڈ اسکرین) کو توڑتا ہوا خاتون کے سر سے جاٹکرایا، حادثے کی وجہ سے خاتون کی آنکھ کے اوپر گہرا زخم آیا تاہم 71 سالہ خاتون کی حالت خطرے سے باہر ہے۔
حادثے کے فوراً بعد ڈرائیور نے پولیس کو مطلع کیا اور خاتون کو اسپتال منتقل کیا۔
پولیس کا ماننا ہے کہ کچھوا پہلے ہی کسی گاڑی سے ٹکرا کر ہوا میں اچھلا ہوگا اور پھر متاثرہ کار اور خاتون سے جاٹکرایا۔
امریکا کے محکمہ جنگلی حیات کا کہنا ہے کہ خطرناک حادثے کے باوجود کچھوا بچنے میں کامیاب رہا تاہم خاتون کو زخمی حالت میں اسپتال منتقل کیا گیا البتہ ڈاکٹرز کا کہنا ہے کہ زخمی خاتون جلد صحت یاب ہوجائے گئیں۔
